المجالس التاريخية

المجالس التاريخية (https://www.3nzh.com/vb/index.php)
-   مجلس القصائد المختارة (https://www.3nzh.com/vb/forumdisplay.php?f=26)
-   -   يلعنك يالحاجـه تهينيـن الأحـرار (https://www.3nzh.com/vb/showthread.php?t=48565)

فدعان التفيهي 30-04-2010 03:19 PM

يلعنك يالحاجـه تهينيـن الأحـرار
 
يلعنك يالحاجـه تهينيـن الأحـرار
وتعظّمين الـلاش لوهـو دجاجـه
اللاش ولد اللاش بيطـار الأعـذار
وجه الفلس يلبس من الكبـر تاجـه
مطالب الأخيـار بيديـن الأشـرار
هذي تصاريف الزمن واعوجاجـه
عيباً على الرجال يسقـط وينهـار
ما تاقف الدنيا علـى شـان حاجـه
يا حيف يا فكراً مشتـت ومحتـار
ما تدري ان الضعف عيب وسماجه
ما تدري أن الله عليمـاً بالأسـرار
اسجـد لربـك بالخفـا ثـم ناجـه
ما تدري ان الوقـت زايـل ودوار
وماتدري أن السيل يقفى العجاجـه
مافيه حـي إلا تعـرّض للأكـدار
ومافيـه حـي إلا تعكّـر مزاجـه
عن ماضي التاريخ تنبيك الأخبـار
ماصار كرب إلاّ قضـا بانفراجـه
خلك على ميـلات الأيـام صبّـار
حاسدك من زودك يبيـن انزعاجـه
صبر الجمال وعين عمـار بالنـار
خـل العفـون يكثـرون اللجاجـه
لا بد من رفع العزيمه بالاصـرار
ولا بد من كسر الخجل بالمواجـه
للوقت صـولاتٍ وللكسـر جبـار
إلا انكسار النفس كسـر الزجاجـه
شرب القراح بذل زرنيخ وامـرار
والعز يكفي عـن قراحـه هماجـه
شقر الحرار سرورها هجر الأوكار
والقلب مشيـه بالبـراري علاجـه

محمد السديس 30-04-2010 03:24 PM

رد: يلعنك يالحاجـه تهينيـن الأحـرار
 
فدعان التفيهي

لاهنت ولاهان نقلك المميز

فدعان التفيهي 30-04-2010 03:35 PM

رد: يلعنك يالحاجـه تهينيـن الأحـرار
 
الله لايهينك اخوي محمد
مرورك تاج على راسي


الساعة الآن 10:27 AM.

Powered by vBulletin Version 3.8.7
Copyright 2021 vBulletin Solutions, Inc. All rights reserved.

(( جميع الحقوق محفوظة لـ شبكة مجالس قبيلة عنزة))