أولاً: هذا بدع صالح مبخوت نذران الصيعري
بان المشـيب بعارضي يـوم شبـيـت
والعــمر عــدّى بيـن ربـح و خســاره
..
الــوقــت عانـدنـي وانـا له تـحـديـت
شــربت مـن كاس النــوايـب مراره
..
ياوقــت لاتفـرح عيــون الشـمامـيت
اللي على الـنـمـة تســــوق البشاره
..
حشّاشة العـرقوب لاغبـت واقفــيت
في سلمهــم طـعن المقـفي شـطاره
..
البــارحة مـع هجعـت الناس فــزيت
والنــوم جنـبـــني وغــيـّـر مـــسـاره
..
امسيت انازع سـطـوة الهم وازريت
ليـن انقــشع ليـل الظـــلام بــ نهاره
..
من قال كيف الحال بالفكر سجيت
هــم ٍ يــــزور النــفــس تاره وتـاره
..
قـم يانـدوبي فــوق ماانتــه تمنـيـت
اللي يهــيــّـض شكــلهـا والغــمارة
..
محفوزة الشاصين مرفوعة السـيت
متــقاربــة بالطـول عــزم وجـــداره
..
من وارد البهوان من خلف حفــيت
بطـاقة الجــمـرك عــليها شــعــاره
..
اخر مـديل ولا تٓـغـــيـّر لــها زيــت
ماقد تسجل رقمها في استـــماره
..
خـطرٍ علـيها لاسـرت تسبق الليت
مـنـــوة غـريــبٍ مـبـعــدات ٍ ديـاره
..
ماشفـت مثلـه في المـواتـر ولاريـت
انا اشهد ان قيمته ماهي خساره
..
ملفاك ابن هياض يــومــك تعــنيت
اســلم وســلّـم يـوم جيــته زيــاره
..
واعطه علومي عقب ماانته تقهويت
الــشاعــر الممــدوح ذري النــماره
..
يابـو محـمد بنـشـدك يـوم غنـيـت
وانته لـبيب الـقـلب تفهـم الاشـاره
..
الاوله بنشـدك من طـارش البـيـت
اللي يـدق الـباب دون استـشـاره
..
ضيفٍ غثـيث النفس عنه تخـفيـت
لوكان بعــض الناس تمدح وقـاره
..
دايم نشـوفه في وجـيه النعاتـيـت
من هـول صدمات الزمان ومداره
..
والـثانية بنشـدك يـوم استحفـيت
ويـن الغنـيـمة والسـعد والتجــاره
..
هــذا زمـانٍ فـيه للعــبد تشـتـيـت
حتى رزين العــقل ضيـّع قــراره
..
يارب ثبــتنا علـى الحــق تثبـيـت
لا قـفلــت بيـن الحبـايــب ستـاره ..
..
في قـدرتــك يالله مايـوم شـكــيت
وانـت العظيم اللي يظــلل جــواره
..
الواحد اللي قــدرته تحـيي الميـت
محيي هشيم النبـت فـوق الزباره
..
والختم صلى الله على فاتح البيت
اللي بعث للنــاس حـــقّ وبشــاره
-------------------------------------------
ثانياً: هذا جواب من ربيع محمد هياض الصيعري
ياهاجسي من بعدماغبت وابطيت
خلك معي ذا ليل رهن الاشاره
لاعطيتك ايعازالشعرفأحبك البيت
واختار لي من كل جزله عباره
لاتخلف الهقوه وانا بك تهقويت
أخبرك دايم معتلي فالصداره
قد لك زمن غائب وانا لك ترجيت
من بعد ماطال الرجاء وانتظاره
جل القوافي في جملها تنقيت
جهز جديدالقاف حسب اختياره
حضر بردك لشلي يوم غنيت
لا تلتهي في الرد وازهد عياره
في بدع ابن نذران اهلاً وحييت
على الوفاوالطيب قد شب ناره
صالح ولد مبخوت ياعالي الصيت
الي على الجزلات يعسف مهاره
يامرحبا ياطارشي كل ماجيت
نفرح بشوف الظيف لاجاءزياره
ع الكرامه كل ماصبحت وامسيت
والبن لشقر لك ندبنا بهاره
ان كان في بعض المخاليق طريت
نهاشت العرقوب في كل حاره
يركض وينهش لحمت الحي والميت
تلقاه بين الناس مكشوف باره
يزعل عليك اليا نصحته وعفيت
كنه مكلف بالبدوا والحضاره
ياابن آدم انك من حسابك تناسيت
هذاك هوا يوم الندم والخساره
الاوله في ظني ان كان ماخطيت
الشيب ماهوا عيب يأهل النعاره
الظيف ذي يأتيك حسب المواقيت
لاجاك حله ما مايغير قراره
والثانية من حيث في الكون حفيت
الوقت على الدنيا مخيم غباره
قلبي تقنع من غثاها ومليت
عند اَهلهاماتت صفات الاثاره
تبغا التجاره وانت فيها تمنيت
شف طاعة المعبود فيها التجاره
لاقمت اخير أليل لرب صليت
هذاالعمل لابد تجنى ثماره
والثالثة وش راجمات العفاريت
الي لها بين الحنيا سفاره
احيان مابين الصخور المناحيت
وأحيان تسمع ذكرها في المناره
والبارحه في تالي أليل ونيت
وانات صُم الحيد هلت حجاره
من كثر مانسمع وبالعين قدريت
نار الفتن دايم سببها شراره
حافظ على ماجاءحلب بعد تكريت
شنوا عليها حرب غاره وغاره
شفت النساءواطفالها في التوابيت
عيني بكت والصدر فيه الحراره
والله يعز المملكه صبح وامبيت
ويديم فيها الأمن دولة لماره
سلمان قائدهاعدوا الطواغيت
ذي رأيت التوحيد دايم شعاره
والختم على المختار باذكر ثنيت
عداد مالوسمي سرا في مثاره
وعداد من صلى ومن طاف بالبيت
للفرض وان صلى صلاة استخاره
lsh[gi fdk hgahuv: whgp lfo,j k`vhk hgwduvd , hgahuv: vfdu lpl] idhq hgwduvd
مساجله بين الشاعر: صالح مبخوت نذران الصيعري و الشاعر: ربيع محمد هياض الصيعري
العرض العادي
