في حفل ابن خشمان عريب السلايل
سلام مني ....عد ماناحت الورق
سلامً اطيب ... من عبير الخمايل
يستاهله راع الوفا بااجزل الطرق
وافي ليا صدوا اصحاب التحايل
فرق السنون اللي تجي عيونهم زرق
ومن بعد ما اقول .... عبر المثايل
جزايلً ماهي ... سوالف ولا قرق
شمر هنا ... وهذي بها عيال وايل
عينين في راسي ولا بينهم فرق
شمر جنوب وشان ... بين القبايل
وحنا نخالطهم من الغرب للشرق
بالشرع ناخذ ناقضات الجدايل
وبالشرع من وايل خذوا شمر الطرق
وشمر يحركها ... صهيل الأصايل
تطعن على المكشوف ماطعنها درق
وحنا لصهيل الخيل نروي الصقايل
وسيوفنا وقت ... الملاقى تقل برق
وشمر تشر لها .... كل الدلايل
كسابة المعروف ماطيبهم سرق
وحنا لنا ... تذكر عيال الحمايل
نارًا على راس الطويلات والبرق
وشمر كرمهم فوق حد الهوايل
وبيوتهم للطيب تبنى على الطرق
كسب الثنا فيهم خيار الحصايل
الله خلقهم للكرم وسطهم عرق
والشمري ...لاجاك بعقال مايل
كنه يقول لصاحبه للسماء ارق
وشمر هنا وهذي بها عيال وايل
عينين في راسي ولا بينهم فرق
,a ihhg]lu hggd shg lk ud,k; ugn edhf; ||| ',g ulv; fkj v[hg fpq,vd ,fydhfd
وش هاالدمع اللي سال من عيونك على ثيابك ||| طول عمرك بنت رجال بحضوري وبغيابي
العرض العادي
