لغز
الموسم
ويـش ياشعـار رجـال يتـيـم = وقيللـي طربيـل ماياخـذ حريـم
علمونـي ماخبـر فيكـم غشيـم = والمعانـي لايغطيهـا الضـبـاب
اتخيـل واصفـه عـلـم ثـبـات = وابشروا بالشرح لاراحت وجـات
ويش رجل ساكنن كـل الجهـات = افهـم التوضيـح يالعقـل اللبـاب
الفريد اللـي علـى الدنيـا وحيـد = ومع جميع الناس له شكـل فريـد
كـل ماينقـال بـه علمـن وكيـد = وكم فعل بالكون فعلـن يستعـاب
وان رسمت الوصف ياشبه الهـرم = وان ذكرت الفعـل يافعـل السهـم
نوب يحكم عدل وامـرارن ظلـم = وان نوالـه فعـل يفعـل مايهـاب
الذرابـه والشجاعـه فـي جبينـه = واعرف اللي ماعرف قدره يهينـه
بين خيـر وبيـن شـر مكلفينـه = ومتعلم ماجهـل حـرف الكتـاب
مايشابهلـه علـى الدنيـا مشابـه = وان لقى قفرن خلين مارعابـه
يـوم وضـح فكروا لـه ياشبابـه = عاش يامخـن فهمنـي واستعـاب
دام بـه مخلـوق بالدنيـا مكانـه = في محلـه ويتحمـل فـي زمانـه
من عيوبـه لاجهـل فيـه الخيانـه = ودوروا له مـع مهازيـع الرقـاب
وكم يخاوي من مداغيـش العيـال = وكم لقيته في حرام وفـي حـلال
وكم قلط معنا على صفـر الـدلال = ولاضما فالقيض يرويـه الشـراب
وان ذكر في حال ياجمرة غضـى = وزيد فعله بان فـي وقتـا مضـى
كم حليا له علـى الدنيـا قضـى = وكم عمرن طـال قافيـه الذهـاب
فـي حياتـه مابعد لبـس العمامـه = والشهامه تـاج راسـه والكرامـه
ومن عيوبه مابعـد قـرر نظامـه = ومتجـرد مابعـد لبـس الثيـاب
لاقـوي ولاضعيـف ولانحـيـف = يتنظـف دايمـا شكلـه نظـيـف
وان قلـط للزاد ماكوله خفـيـف = والمواقف عـن بعضهـا مايهـاب
للهوى ياهل الهوى سيلـه حـدور = كم يحل وكـم يلـف وكـم يـدور
فـي محلـه ماتبيـن للصـقـور = وله سهومن لاقبلت مثل الحـراب
وله حلـي فالنصـارى واليهـود = ولـه حلـي فالبهايـم والـقـرود
وفالجنون وحللوا وارقـوا سنـود = وفتشوله ياعرب وسـط الزهـاب
ولايدين ولاذكـر عينـن تشـوف = ولاقبلـه زاد عـن زادن عيـوف
وان بغى الميقاف يتعبـه الوقـوف = وكم قلط معنا على صفر العـذاب
ومثل سيفا اليا حكم حكمـه عـدل = مثل سيـف اللـي لياسلـه فعـل
وفالشجاعه صيرمي وقت الجهـل = بان فعله لامسـك فيهـا النصـاب
فيه خير وغيـر خير وفيـه شـر = فيه شر وزيد سـر وزيـد ضـر
فالبلـد ماجـود وان لاقيـه بـر = ولايجي حلن مثل ضيح السـراب
فالحلايا ماخبـر مثلـه وصيـف = ويتحسـن فالقـوي وفالضعـيـف
وان ذكرت الشكل له شكلن لطيف = والبنـادق مـن مزاياهاالخـشـاب
لاكبيـر ولاطويـل ولاقصـيـر = فالبحر سبحاح ويغـوص الغديـر
ولاسبح في مركبه خلـك بصيـر = وكان طاب الكيف قلت الكيف طاب
الشاعر مرير الحبيل
لغز الموسم
العرض العادي
