(((( أدخل وأهدي إالي بعدك بيت شعر ))))

[ابو رشيد]

مساء الانوار العذبة
؛؛؛ونور مجلس عنزة للشعر المنقول؛؛؛

ماشاقني غيرك من الناس مخلـوق
وغلاي لك عن كل غالـي يفوقـي
اكن لك ماكن عاشـق للمعشـوق
ومابين حين وحين يـزداد شوقـي
هذا وأنا دنيـاي تسعالـي بعـوق
ياعلها للـك يالغضـي ماتعوقـي

[العذبه]

::


تسلم ابو رشيد ...



::




ماهي بسيط يوصفك كل مخلوق...

وصفك كثير وكل شي فيك حالي,,,,

انسان متواضع وطيب ومعشوق...

افرح اذا شفته ويرتاح بالي....



::

[ابو رشيد]

من قال يسلم العذبة ولاهنتي


::

ياروح روحي جيتك بكل نبـراس
اترك عشانك هـم قلـب طوانـي
جيتك وكلي شوق ياعذب الأنفاس
ماعاش غيرك داخل فـي كيانـي
العالم اللي ماجعل حبـك افـلاس
حبك قدر عمري وكلـك عشانـي
جيتك وفاء جيتك مودة بالآحساس
بكل وفـاء اكـون لـك بزمانـي

::

[خالد العويهان]

اهداء قصيدة سليمان المانع

يستغفلـك هـذا المغفـل وبـرضـاك
تنسى عبير الـورد وتغـازل الشـوك
***
تتجاهل القصة وتضحك مـن أقصـاك
مملـوك مملـوكٍ حكملـه بمملـوك
***
يا وسـع صـدرك يانزاهـة نوايـاك
بك فطرة الطيب وبك حدس صعلـوك
***
غنّيت حزنك لين مـا الحـزن غنّـاك
وكان الشعر جـوّك تجيبـه لياجـوك
***
ترمي حمامة كـل مـا طـل شبـاك
من شرفةٍ في عين بنـتٍ مـن تبـوك
***
تحكيلهـم شـي تشوفـه بــالإدراك
عن ضحكةٍ صفرا على شفاه مـدروك
***
عن ناس ماهم..؟ عن بلادك وعن ماك
عن حبك لناس وعـن نـاس حبّـوك
***
يا أخّ لي متى ملك الطفولـه محيّـاك
إن أنبّوا تزعـل وتفـرح إن حيّـوك
***
نهر الجنون اللي تشكّل بـك أظمـاك
لامن جريت بوادي الصـدق شربـوك
***
خلّك رجـل عاقـل وفاطـن لدنيـاك
كـم علمّـوا بـك غاليينـك وملـوك
***
زهّقتنـي ..عجـزت أعـدد سوايـاك
سعيد سولف لك وضحّكـت مبـروك
***
شكـواك ترسلهـا وعـذرك وبلـواك
وليا وصلت بصالـي النـار صلّـوك
***
يا عرض صدرك يا سذاجـة نوايـاك
بك ظلمة المبصر وشاعـر وصعلـوك
.

[AL MATRIFI]

كل ماجيت ابهرب من عيونك تراجعت

شلون ابهرب والمسافه عيونك

[ابو رشيد]

السلام عليكم

والله لايهينكم جميعا

كفي دموعك مال الاحزان ميعاد
مدام هذي رغبتي فهجريني
أنتي سراب وكلمة الحب وش عاد
ماقصدي اجرح خاطرك وأفهميني
نفس الظروف ووقتنـا كله عناد
أبلتمس لك عذر بس أعذريني..!

[خالد العويهان]

اهداء قصيدة حمد الفارس

جتني تودعني مسا يوم الأثنين
جتني بظرف ما ذيفيد اعتراضي

جتني و لوني إنخطف بين لونين
فيه السواد و فيه لمحة بياضي

قالت غصيبه يا حمد فرقنا شين
و لزوم فرقانا تجي بالتراضي

قلت الخبر وشلون نبقي بعدين
و دموعها قامت تسابق هياضي

قالت فمان الله يا اغلى المحبين
حكم علينا الوقت و الوقت قاضي

ما عاد أفيدك يا حمد و المرض شين
يمشي بجسمي مثل سيل الفياضي

بحكم القدر و الوقت و العسر ماشين
لازم نطيع بقسمته و إن فراضي

ملزوم ننسى ذكريات لها سنين
ملزوم نحسبها قديم وماضي

عجزت إصدق وين أنا والخبر دوين
وش هالقدر ياللي عرض لي عراضي

حضنتهاو لميتها بالذراعين
وتقادحت عيني كما البرق تاضي

ممدانني أفرح في غلاها بعامين
وهل القدر زغضب علينا إفتراضي

أقفت و تمسح دمعها لي بكفين
وأقفت تناظرني بفرقا الأراضي

عجزت أشيل خطاي وحنا مقفين
عجزت وجسمي يرتعش ينتفاضي

غضب علي با ساير الوقت و البين
هذا قدرنا ما يفيد التقاضي

حسبي على وقت جمع و أفرق أثنين
ما شال هم لحسرتي وإغتياضي

[ابو رشيد]

من أرض الشمال احييكم
ولاهنت على الاهداء يالغلا
وهذا اهداء لكم جميعاااا أرجوان يحوز رضاكم

.

.

من طاح .. من عينك ؟؟ ومن فيه ماطـاح ؟؟

.............................. ........... ذي طيبتك .. واليوم .. تدفع ثمنها
:
:
:

حتى لو انك كنت .. صاحي .. ولمـــاح

.............................. ....... أصحاب ( كيف الحال ) محدٍ .. بخنها
:
:
:

صفو على جمر الحسـَد .. والعـفن .. فاح

.............................. ....... ولمت عفون الخلق .. ريحة .. عـفنها
:
:
:

يالله دخيلك .. كلـها .. شالت .. رماح

.............................. ........... حتى الوغـد قام .. يتخمش رسنها
:
:
:

مات الحيا والمرجله .. دمها .. ساح

.............................. .......... كلٍ كشف .. عن سوء نيه .. دفنها
:
:
:

دامه .. زمن عقرب ، وحيه ، وتمسـاح

.............................. ......... خل الأسود .. اتنام .. ماهــو زمنها
:
:
:

قالولي انطح .. صيحة الصوت .. بصياح

.............................. ......... واعزل احرام السالفه .. عن كـفنها
:
:
:

قلت الخساره بالردي .. عندي ارباح

.............................. .......... ومثلي .. يعلي هامته .. ماطـمنها
:
:
:

ترسي جبال طويق لا هــبت ارياح

.............................. ....... وانا من اول .. ماخذ الراي .. منها
:
:
:

اقولها وانا .. مروّق .. ومـرتاح

.............................. ...... شل الله .. لسان العــفون .. وبدنها
:

[العذبه]

::


الشوق يكبر وقدرك بالغلا يكبر ... شف ودك اللي خذاني وين وداني !

من كثر ماشتاقلك وأغليك واتصبر .. قام يتلعثم حنين القلب بلساني !

أخاف أبين " مدى" حبك وتتكبر .. وأخاف ابين " صبر" قلبي وتنساني !


::